Dende moi pequena María José Rodríguez tivo unha clara vocación artística. Empezou coleccionando cupóns para comprar o seu primeiro plumier, pero moi pronto cambiou os lápices Alpino por un lenzo de óleo.

Esta artista nacida en A Coruña pero afincada en Vilagarcía de Arousa desenvolveu de xeito autodidacta un talento multidisciplinar e pedagóxico que busca transmitir valores como a beleza e o coidado do medio ambiente. “A miña misión é deixar o mundo mais fermoso do que o atopei” sinala a artista.

Unha artista polivalente e pedagóxica

A obra de María José Rodríguez non se pode encadrar dentro dun estilo nin nunha disciplina concreta. A súa técnica mistura distintas áreas como poden ser a pintura, a ilustración, a costura e incluso a artesanía, a través da cal crea pezas únicas tal e como facían os nosos avós cos cestos de mimbre ou gancho. A súa faceta artística vai moito mais alá da pintura, posto que aposta tamén polo debuxo, a confección, a escultura, a fotografía e a literatura.

A súa influencia principal é a beleza. Calquera pequeno detalle pode ser fonte de inspiración. Unha gran viaxe ou un corto paseo polo monte pode ser perfecto para atopar materiais a través dos cales transmitir a súa arte. A súa polivalencia a nivel de materiais permítelle traballar cun sinfín de elementos reciclados que incorpora a a súa obra: cartón, plásticos, pedras, chapas, tecidos, cunchas....

As súas dúas últimas exposicións chegaron a expoñerse en museos e espazos de gran afluencia en toda España. A súa colección ‘Desde Madrid al mundo’ estivo exposta no mismísimo aeroporto de Barajas en Madrid e o seu último traballo ‘Paisaxes do Camiño’ xa ten recorrido casi todo Galicia, aínda que o coronavirus frenou a xira da artista. A obra iba a ser exposta no aeroporto de Santiago de Compostela pero cancelouse con motivo da pandemia.

O seu traballo durante a cuarentena

A nivel de exposición, o traballo de María José Rodríguez continúa estando paralizado pola pandemia, pero a nivel de creación o confinamento foi incluso o seu momento máis prolífico. A arte ten esa capacidade de liberación, de permitir ó illamento da vida real, que era unha necesidade latente durante a pandemia.

Deste xeito, a artista continúa traballando na temática do Camiño de Santiago en previsión do próximo ano Xacobeo 2021. Moi pronto poderemos ver algunha das súas obras máis destacadas na Sala Rivas Briones. Se trata dunha exposición que a artista persegue dende hai un tempo, posto que faille especial ilusión presentar o seu traballo na súa cidade.