As orixes de Musgalia atópanse en 2004, cando José Navia creou Ambientación3. Tras cinco anos actuando con diversos instrumentistas, en 2009 naceu o novo proxecto orixinado pola diversidade pero, esta vez, centrado en catro músicos profesionais: o propio Navia (piano), Daniel Riveiro (percusión), Christian Castrelo (frautas) e Ernesto Rioboo (violín), máis a colaboración puntual de diversas voces.

Xuntos forman unha sonoridade diferente, orixinal, con diversidade de influencias e matices sonoros produto da súa mestura de formación e estilos.

 O seu repertorio abrangue jazz, celta, bandas sonoras e música clásica, pero tamén pop puntualmente, con especial atención pola calidade do son en directo, a luz e o vestiario.

 O futuro de Musgalia pasa por seguir amenizando eventos e os seus concertos, xa que un dos valores co que máis se identifica a formación é o achegamento ao público.