The Seangles (Ysidro Estévez, Tatá del Río, Gonzalo Cortés, Miguel González e Gaspar Somoza) xurdiron en 2012 como un grupo de amigos con ganas de pasalo ben co que máis lles gusta: facer música.

O seu nome vén dun erro do Concello, que transcribiu mal a palabra “singles” no cartel dunha actuación. Lembroulles ao cambio que fixeron The Beatles (beetles) e quedaron con el.



A banda é un tributo á música rock dos 60 aos 90, con clásicos de Queen, AC/DC, Clearwater, os Beatles ou Los Secretos, Nacha Pop e Los Ronaldos na esfera española.

Levan cinco anos percorrendo Galicia e recoñecen a labor das comisións de festas que queren fuxir das típicas orquestras, pero ofrecendo tamén música en directo. O seu obxectivo segue a ser pasalo ben facendo música e que tamén o público goce escoitando as súas versións.